![](https://www.dailycapitalpost.com/news/wp-content/uploads/2021/05/www-750x430.jpg)
حسن علی کی ٹک ٹاکرز مداحوں سے اپیل
قومی کرکٹ ٹیم کے فاسٹ بالر حسن علی نے اپنے مداحوں سے ویڈیو شیئرنگ ایپ ٹک ٹاک پر فالو کرنے کی اپیل کردی ہے۔
تفصیلات کے مطابق کرکٹر حسن علی نے فوٹو اینڈ ویڈیو شیئرنگ ایپ انسٹاگرام پر موجود اپنے آفیشل اکاؤنٹ پر مداحوں کے لیے خصوصی اسٹوری شیئر کی، قومی کرکٹر نے انسٹاگرام اسٹوری میں لنک شیئر کرتے ہوئے مداحوں سے مخاطب ہوکر لکھا کہ ’مجھے ٹک ٹاک پر فالو کریں۔
اس کے ساتھ ساتھ حسن علی نے انسٹاگرام اسٹوری میں اپنے ٹک ٹاک اکاؤنٹ کا لنک شیئر کیا۔
حسن علی کے ٹک ٹاک پر کتنے فالوورز ہیں؟
کرکٹر حسن علی کے ٹک ٹاک اکاؤنٹ پر نظر دوڑائی جائے تو اس وقت ٹک ٹاک پر اُن کے ایک اعشاریہ 8 ملین یعنی 18 لاکھ فالوورز ہیں جبکہ اُن کی تمام ویڈیوز پر اب تک 15 اعشاریہ 9 ملین لائکس آچکے ہیں۔
اس کے علاوہ حسن علی نے اپنے ٹک ٹاک اکاؤنٹ سے صرف سات لوگوں کو فالو کیا ہوا ہے جن میں اُن کی اہلیہ سامعہ اور قومی کرکٹر شاداب خان سمیت دیگر لوگ شامل ہیں۔
یاد رہےکہ حسن علی نے سال 2018 میں ٹک ٹاک جوائن کی تھی اور اُنہوں نے پہلی ویڈیو اپنے میچ کی اپ لوڈ کی تھی جس پر 82 ہزار سے زائد لائکس آئے تھے۔